საქართველოს ჯანდაცვის მინისტრის ეკატერინე ტიკარაძის განცხადებით, მას აქვს მოლოდინი, რომ ექიმები ვაქცინაციის პროცესში ინტენსიურად ჩაერთვებიან.
ამის შესახებ მან უწყებათაშორისი საბჭოს სხდომის დასრულებს შემდეგ განაცხადა.
„დარწმუნებული ვარ, რომ ჩვენს ექიმებს გააჩნიათ ის შესაფერისი ცოდნა, რომელიც მათ აძლევს აცრის სტიმულს. გუშინაც გვქონდა კომუნიკაცია გაფართოებულ შეხვედრაზე და უახლოეს მომავალში ველოდებით ექიმების ინტენსიურ ჩართულობას.
რაც შეეხება განათლების სამინისტროს, ყოველდღიურ რეჟიმში გვაქვს მათთან ურთიერთობა. დღეის მდგომარეობით 92 000 პერსონალიდან 19% აცრილია. სამინისტროსთან ერთად ამ მიმართულებით გაგრძელდება მუშაობა. მე და მიხეილ ჩხენკელს გვქონდა საბჭოს შემდეგაც კომუნიკაცია და საჭიროების შემთხვევაში, მე პირადად მასთან ერთად ინტენსიურად ჩავერთვები პედაგოგებთან შეხვედრაში“, - განაცხადა ეკატერინე ტიკარაძემ.