აზერბაიჯანის მოქალაქეებს, რომლებიც სასაზღვრო კონტროლის გავლისას პანდემიასთან დაკავშირებულ მოთხოვნებს არ დააკმაყოფილებენ, 2-კვირიან კარანტინში გადაიყვანენ და საჭიროების შემთხვევაში, უმკურნალებენ, - ინფორმაციას აზერბაიჯანული მედია ავრცელებს.
მათივე ინფორმაციით, კარანტინისა და მკურნალობის ხარჯების ანაზღაურების ვალდებულება ავიაგადამყვანს დაეკისრება.
ახალი წესი გათვალისწინებულია კორონავირუსის პანდემიის დროს აზერბაიჯანის რესპუბლიკაში ფრენების ორგანიზებისა და მგზავრთა გადაზიდვის დროებით წესებში შესულ ცვლილებაში.