ამირან გამყრელიძე - ეპიდსიტუაცია საკმაოდ გართულებულია - სადაც 5 ადამიანზე მეტი იკრიბება, აუცილებელია პირბადის ტარება, რაზეც საკოორდინაციო შტაბს დაევალა, რომ გადაწყვეტილება მოამზადოს

ეპიდსიტუაცია საკმაოდ გართულებულია - დღევანდელი მდგომარეობა ძალიან ჰგავს ნოემბერს, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ "ინტერპრესნიუსთან" საუბრისას განაცხადა.

გამყრელიძის განმარტებით, ეპიდსიტუაციის გაუმჯობესებისთვის აუცილებელია რეგულაციების დაცვა და მასობრივი ვაქცინაცია.

" ყველა ინდიკატორში სამწუხაროდ გაუარესება გვაქვს - ინციდენტობის მაჩვენებელი, დადებითობის მაჩვენებელი. თუ არ გავითავისეთ, რომ ეპიდსიტუაციას შეაკავებს მხოლოდ მასობრივი აცრები და რეკომენდაციების და რეგულაციების დაცვა , ისე არაფერი არ გამოვა. უნდა დავიცვათ რეგულაციები, ვატაროთ პირბადე ყველგან, დახურულ სივრცეებში ყველგან და ღია სივრცეში იქ, სადაც იკრიბება 5-ზე მეტი ადამიანი, ასევე ყველანაირ დიდ შეკრებებს თავი უნდა ავარიდოთ, იქნება ეს ქორწილი, ქელეხი, კონცერტი თუ სხვა - ამაზე უარი უნდა ვთქვათ დროებით, ან სადაც იქნება ეს შეკრება, განსაკუთრებით თუ ეს არის სემინარები, კონფერენციები და ა.შ. ადამიანები უნდა იყვნენ ორჯერადად აცრილი და ისე არ უნდა დაიშვან ან უნდა იყვნენ PCR ტესტით უარყოფითი, ან სწრაფი ტესტით 24 საათში უარყოფითი. რეგულაციები უნდა დავიცვათ თუ გვინდა, რომ ეპიდსიტუაცია უფრო არ გაუარესდეს იმიტომ, რომ დღევანდელი მდგომარეობა ძალიან ჰგავს ნოემბერს.

ამ ეტაპზე საბჭოს რეკომენდაციაა, რომ გააქტიურდეს მაქსიმალურად აცრები. ახლა ქვეყანაში 4 ვაქცინაა ხელმისაწვდომი და ადამიანებმა უნდა იაქტიურონ - ჩაეწერონ და აიცრან და მეორე მხრივ უნდა დავიცვათ ის რეგულაციები, რომელიც არსებობს. იქ, სადაც იკრიბება 5 ადამიანზე მეტი აუცილებელია პირბადის ტარება და ამასთან დაკავშირებით დაევალა საკოორდინაციო შტაბს, რომ ეს გადაწყვეტილება მოამზადოს", - განაცხადა გამყრელიძემ.

ამასთან, ამირან გამყრელიძის განცხადებით, "ფაიზერზე" რეგისტრაცია 153 ათასმა ადამიანმა გაიარა და ამ დროისთვის, 10 000 თავისუფალი ადგილია დარჩენილი, თუმცა ყველა რეგიონში.

"გუშინ სულ გამოტანილი იყო "ფაიზერის" 163 ათასი ჯავშნის ადგილი ქვეყნის მასშტაბით. დარეგისტრირდა 153 ათასი, ანუ ჯერ კიდევ არის 10 000 ადგილი ძირითადად რეგიონებში, თბილისში არ არის. ამ 153 ათასიდან 141 ათასი დარეგისტრირდა პირველ აცრაზე, ხოლო 12 ათასი დარეგისტრირებულია მეორე აცრაზე", - განაცხადა გამყრელიძემ.

იხილეთ ვიდეო: გამყრელიძის განცხადებით, სადაც 5 ადამიანზე მეტი იკრიბება, აუცილებელია პირბადის ტარება - გადაწყვეტილების მომზადება საკოორდინაციო შტაბს უკვე დაევალა

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს