სომხეთში ბოლო დღე-ღამის განმავლობაში კორონავირუსის 112 ახალი შემთხვევა დაფიქსირდა და დღემდე გამოვლენილი დადასტურებული შემთხვევების საერთო რაოდენობა 228 910-მდე გაიზარდა.
შესაბამის მონაცემებს ქვეყნის დაავადებათა კონტროლისა და პროფილაქტიკის ცენტრი ავრცელებს.
ამავე პერიოდის განმავლობაში სომხეთში კორონავირუსით კიდევ 3 პაციენტი გარდაიცვალა. პანდემიის დაწყების დროიდან დაღუპულია 4 590 ადამიანი.
ქვეყანაში ვირუსისგან 219 168 ადამიანი გამოჯანმრთელდა, აქტიური შემთხვევების რაოდენობა კი 5 100-ს აჭარბებს.