სამხრეთ კორეასა და ჩრდილოეთ კორეას შორის „ცხელი ხაზი“ აღდგა, - ინფორმაციას Reuters-ი ავრცელებს.

სამხრეთ კორეის პრეზიდენტის ადმინისტრაციის ცნობით, სამხრეთ კორეის პრეზიდენტმა მუნ ჯე ინმა და ჩრდილოეთ კორეის ლიდერმა კიმ ჩენ ინმა აპრილის შემდეგ არაერთი წერილი გაცვალეს და „ცხელი ხაზის“ აღდგენაზე შეთანხმდნენ. მათივე ინფორმაციით, ორი ქვეყნის ლიდერებმა ნდობის აღდგენასა და ურთიერთობების გაუმჯობესებაზეც გამოხატეს მზაობა.

ამასთან, ჩრდილოეთ კორეის სახელმწიფო მედიასაშუალებამ, KCNA– მ, გაავრცელა ინფორმაცია, რომ სამხრეთ და ჩრდილოეთ კორეას შორის სამშაბათს ყველა საკომუნიკაციო არხი გაიხსნა.

შეგახსენებთ, ჩრდილოეთ კორეამ სამხრეთ კორეასთან „ცხელი ხაზი“ 2020 წლის ივნისში შეწყვიტა.

იხილეთ ვიდეო: სამხრეთ კორეასა და ჩრდილოეთ კორეას შორის "ცხელი ხაზი" აღდგა