ხობში მომხდარ ინციდენტთან დაკავშირებით, რომელშიც სპორტსმენებიც ფიგურირებდნენ, ორ პირს პატიმრობა შეეფარდა

ხობში მომხდარ ინციდენტთან დაკავშირებით დაკავებულ ორ პირს - ვარლამ კვარაცხელიასა და ზაზა დათეშიძეს აღკვეთის ღონისძიების სახით პატიმრობა შეეფარდათ.

აღნიშნული გადაწყვეტილება ფოთის რაიონულმა სასამართლომ გამოაცხადა.

დაკავებულებს პოლიციელზე თავდასხმას ედავებოდნენ.

ცნობისთვის, კონფლიქტთან დაკავშირებით, რომელიც ხობის ერთ-ერთ სუპერმარკეტთან მოხდა, სამართალდამცავებმა სულ 4 პირი დააკავეს. მათგან ორი სპორტსმენი - ბერძნულ-რომაულ ჭიდაობაში მსოფლიო ჩემპიონი ნუგზარ წურწუმია და მოჭიდავე ნიკა ყორშია იყო. ისინი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც პოლიციის კანონიერი მოთხოვნისადმი დაუმორჩილებლობასა და წვრილმან ხულიგნობას გულისხმობს.

ნუგზარ წურწუმიასა და ნიკა ყორშიას 3-3-დღიანი ადმინისტრაციული პატიმრობა შეეფარდათ.

რაც შეეხებათ ვარლამ კვარაცხელიასა და ზაზა დათეშიძეს, ისინი სისხლის სამართლის კოდექსის 356-ე მუხლით დააკავეს, რაც პოლიციელზე თავდასხმას გულისხმობს.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული ციფრული ბანკების გლობალური აღიარება
ვოლტი ზუგდიდშია