კახა კუჭავამ ევროპის საბჭოს სადამკვირვებლო მისია 2021 წლის ადგილობრივი თვითმმართველობის არჩევნებზე მოიწვია

ევროპის საბჭოს საპარლამენტო ასამბლეის პრეზიდენტი რიკ დემსი პარლამენტის თავმჯდომარეს, კახა კუჭავას შეხვდა. პარლამენტის პრესსამსახურის ცნობით, შეხვედრაზე საუბარი შეეხო ევროსაბჭოში საქართველოს დელეგაციის მუშაობას და მიღწეულ შედეგებს. მათი ინფორმაციით, ყურადღება გამახვილდა შარლ მიშელის დოკუმენტის იმპლემენტაციაზე.

როგორც რიკ დემსმა განაცხადა, შეთანხმების განხორციელებაში მონაწილეობა ყველა პოლიტიკურმა პარტიამ უნდა მიიღოს.

პარლამენტის პრესსამსახურის ცნობით, საუბრის ერთ-ერთი მთავარი თემა 2021 წლის ადგილობრივი თვითმმართველობის არჩევნები იყო და კახა კუჭავამ აღნიშნულ არჩევნებზე ევროსაბჭოს სადამკვირვებლო მისია მოიწვია.

„ასევე, პარლამენტის თავმჯდომარემ მადლობა გადაუხადა პრეზიდენტს 2020 წლის საპარლამენტო არჩევნებზე სადამკვირვებლო მისიის მიერ გაწეული საქმიანობისთვის და აღნიშნა, რომ მათ მიერ გაცემული რეკომენდაციები ასახულია საარჩევნო კოდექსში.

მხარეებმა ისაუბრეს ოკუპირებულ ტერიტორიებზე არსებულ ვითარებაზე. კახა კუჭავამ სტუმარს მადლობა გადაუხადა საქართველოს სუვერენიტეტისა და ტერიტორიული მთლიანობის ურყევი მხარდაჭერისთვის და ამ მიმართულებით, ევროსაბჭოს საპარლამენტო ასამბლეის ფორმატის მნიშვნელობას გაუსვა ხაზი. შეხვედრის დასასრულს, რიკ დემსმა პარლამენტის თავმჯდომარისგან მიიღო თანხმობა, რომ იგი ევროსაბჭოს წევრი ქვეყნების პარლამენტის თავმჯდომარეების კონფერენციის მთავარი სპიკერი იქნება, რომელიც სექტემბერში, ათენში გაიმართება“,-აღნიშნულია ინფორმაციაში.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო