ოკუპირებულ აფხაზეთში ძლიერმა წვიმებმა წყალდიდობა გამოიწვია

ოკუპირებულ აფხაზეთში, რამდენიმე ქალაქსა და რაიონში ძლიერმა წვიმებმა წყალდიდობა გამოიწვია. ოკუპირებული რეგიონის ე.წ. საგანგებო სიტუაციების სამინისტროს პრესსამსახურში აცხადებენ, რომ გასული ღამის განმავლობაში უამინდობამ მდინარეებში წყლის დონის მატება და ტერიტორიების დატბორვა გამოიწვია. მათივე ინფორმაციით, განსაკუთრებით დაზარალდა გუდაუთა და მისი რაიონი.

„ადგილობრივ მდინარეებში წყლის დონემ თითქმის ორ მეტრს მიაღწია. დაიტბორა მინიმუმ 350 სახლი. რამდენიმე ადგილას საჭირო გახდა ადგილობრივი მოსახლეობის ევაკუაცია“, - აცხადებენ ე.წ. საგანგებო სიტუაციების სამინისტროში.

მათი ინფორმაციით, სამაშველო ოპერაციაში ჩართულია 7 ერთეული ტექნიკა და ქალაქ გუდაუთის სახანძრო-სამაშველო სამსახურის 45 თანამშრომელი, ასევე მათ დამატებით ეხმარებიან გაგრისა და სოხუმის სამძებრო-სამაშველო სამსახურებიც. რამდენიმე ქუჩა დაიტბორა სოხუმშიც და დაზიანდა 30-მდე სახლი, თუმცა აქ მოსახლეობის ევაკუაცია არ გახდა საჭირო. რაც შეეხება ოჩამჩირის მუნიციპალიტეტს, რამდენიმე სოფელში წყალდიდობისას აქაც დაიტბორა სახლები. მდინარე ტამიშის ადიდებამ ზოგ მონაკვეთებში გაართულა საავტომობილო მიმოსვლა, ძლიერმა ქარმა კი დააზიანა მაღალი ძაბვის გადამცემი ხაზის ორი ბოძი.

მირიან მირიანაშვილი - დღეს მსოფლიო პოლიტიკის ყველაზე მნიშვნელოვანი საკითხია, დათანხმდება თუ არ რუსეთი უკრაინაში განსათავსებელი სამშვიდობო ძალების შემადგენლობაში ნატოს წევრი ევროპული სახელმწიფოების სამშვიდობო ძალების მონაწილეობას
ქართული პრესის მიმოხილვა 13.02.2025
გაბრიელიუს ლანდსბერგისი - რასაც ჩვენ ახლა ვხედავთ, საქართველოს „სტალინიზაციაა“
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს