ნატო-ს გენერალური მდივნის იენს სტოლტენბერგის განცხადებით, ის ავღანეთის პრეზიდენტ აშრაფ ღანის ესაუბრა, რათა დაერწმუნებინა, რომ ნატო ავღანეთის მხარდაჭერას განაგრძობს.

მისი თქმით, ავღანეთში უსაფრთხოებასთან დაკავშირებული სიტუაცია ძალიან რთულია.

„დღეს კარგი საუბარი მქონდა პრეზიდენტ აშრაფ ღანთან. ავღანეთში უსაფრთხოებასთან დაკავშირებული სიტუაცია ძალიან რთულია და მოლაპარაკებების გზით გადაჭრას საჭიროებს. ნატო გააგრძელებს ავღანეთის მხარდაჭერას, მათ შორის დაფინანსებით, სამოქალაქო პირების გაგზავნით და ქვეყნის გარეთ ტრენინგების ჩატარებით“, - აღნიშნა სტოლტენბერგმა.

იხილეთ ვიდეო: იენს სტოლტენბერგი - ნატო ავღანეთის მხარდაჭერას განაგრძობს