ბელარუსის ხელისუფლებამ ოპოზიციური არხის Belsat TV-ის საინფორმაციო ინტერნეტ რესურსები ექსტრემისტულად ცნო
ბელარუსის ხელისუფლებამ ოპოზიციური პოლონური არხის Belsat TV-ს საინფორმაციო ინტერნეტ რესურსები - საიტი და სოციალური ქსელების გვერდები, ექსტრემისტულად ცნო.
შესაბამისი განცხადება ბელარუსის შინაგან საქმეთა სამინისტრომ გამოაქვეყნა.
სამინისტროში განმარტავენ, რომ ამას საფუძვლად უდევს შესაბამისი სასამართლოს გადაწყვეტილება.
შინაგან საქმეთა სამინისტროში განმარტავენ, რომ ექსტრემისტული წყაროებიდან ინფორმაციის გავრცელება ითვალისწინებს ადმინისტრაციულ პასუხისმგებლობას ჯარიმის ან პატიმრობის სახით.
მაისში მინსკში, ოპოზიციურ არხ Belsat TV-ში ბელარუსი ძალოვნები შეიჭრნენ და რამდენიმე თანამშრომელი დააკავეს. ტელეარხი აქტიურად აშუქებდა გასულ წელს პრეზიდენტ ლუკაშენკოს საწინააღმდეგო აქციების ტალღას. პოლონური სატელიტური ტელეარხი Belsat რუსულ და ბელორუსულ ენებზე მაუწყებლობს. მას ბელარუსში აკრედიტაცია არ აქვს.
