თვითმმართველობის არჩევნებში ოპოზიციამ ერთობლივი ძალებით უნდა დავამარცხოთ „ქართული ოცნება“, - ამის შესახებ „ევროპული საქართველოს“ ერთ-ერთმა ლიდერმა აკაკი ბობოხიძემ განაცხადა.

მისი თქმით, თუ ოპოზიცია პარლამენტს დატოვებს, არსებობს საფუძველი, რომ რიგგარეშე არჩევნები უახლოეს მომავალში ჩატარდეს.

„საერთო ამოცანა უცვლელია - ოპოზიციამ ერთობლივი ძალებით უნდა დავამარცხოთ „ქართული ოცნება“ თვითმმართველობის არჩევნებში. თუ ქართული ოპოზიცია პარლამენტს დატოვებს, ასეთ შემთხვევაში, მე ვფიქრობ, რომ ჩვენ საერთაშორისო პარტნიორებთან ერთად გვაქვს იმის საფუძველი, რომ მივაღწიოთ რიგგარეშე არჩევნებს არა შარლ მიშელის დოკუმენტის ფარგლებში, ანუ მომავალი წლის შემოდგომაზე, არამედ უახლოეს გაზაფხულზე“, - განაცხადა ბობოხიძემ.