ისრაელში 60 წელს გადაცილებულ პირებს „ფაიზერის“ კორონავირუსის საწინააღმდეგო ვაქცინის მესამე, ე.წ. „ბუსტერ“ დოზას შესთავაზებენ, - ინფორმაციას The Guardian ადგილობრივ მედიაზე დაყრდნობით ავრცელებს.

მათივე ინფორმაციით, ისრაელის ჯანდაცვის სამინისტრომ ჯანდაცვის იმ ორგანიზაციების ხელმძღვანელებს, რომლებიც „ფაიზერის“ ორი დოზით ვაქცინაციას ახორციელებენ, აცნობა, რომ შეუძლიათ, კვირიდან 60 წლის ზემოთ ასაკის პირებს დამატებითი დოზა შესთავაზონ.

ცნობისათვის, კომპანია „ფაიზერმა“ გუშინ განაცხადა, რომ მათი აზრით, ადამიანების ვირუსისგან დაცვის მაღალი დონის შესანარჩუნებლად საჭიროა ვაქცინის მესამე დოზა.