სომხური მხარის მიერ გავრცელებული ინფორმაცია აზერბაიჯანის არმიის ორი უპილოტო საფრენი აპარატის ბასარკეჩარში ჩამოგდების შესახებ სიმართლეს არ შეესაბამება, - აზერბაიჯანული მედიის ინფორმაციით, ამის შესახებ ქვეყნის თავდაცვის სამინისტროში აცხადებენ.
„ეს მოწინააღმდეგე მხარის მიერ გავრცელებული კიდევ ერთი დეზინფორმაციაა,“ - განმარტავენ უწყებაში.
ბოლო დღეების განმავლობაში სომხეთი-აზერბაიჯანის საზღვარზე მდგომარეობა დაიძაბა. მხარეები ერთმანეთს სასაზღვრო ზონაში პოზიციებისთვის ცეცხლის გახსნასა და პროვოკაციებში ადანაშაულებენ.