არჩილ თალაკვაძე - ჩვენ შეთანხმებასთან დასაბრუნებელი არაფერი გვაქვს, ვინც უნდა დაუბრუნდეს, ეს არის რადიკალური ოპოზიცია

ჩვენ შეთანხმებასთან დასაბრუნებელი არაფერი გვაქვს. ვინც უნდა დაუბრუნდეს, შეაფასოს თავისი წინა მოქმედებები, უპასუხისმგებლო გადაწყვეტილებები, ეს არის რადიკალური ოპოზიცია, რომელსაც დავამარცხებთ არჩევნებში, - ასე პასუხობს პარლამენტის ვიცე- სპიკერი არჩილ თალაკვაძე ჟურნალისტების კითხვას, შეიძლება თუ არა „ქართული ოცნება“ 19 აპრილის შეთანხმებას დაუბრუნდეს, თუკი „ნაციონალური მოძრაობა“ მიშელის შეთანხმებას ხელს მოაწერს.

როგორც არჩილ თალაკვაძე აღნიშნავს, „ქართული ოცნება“ პრაქტიკულად ცალმხრივად ასრულებდა შეთანხმებით აღებულ ვალდებულებებს.

„ქართული ოცნება“ თანმიმდევრულად ასრულებდა ამ თვეების განმავლობაში შეთანხმებით აღებულ ვალდებულებებს. ყველა პუნქტი რაც ჩვენზე იყო დამოკიდებული, გახლავთ პირნათლად შესრულებული. ბოლო სხდომებზე „ქართული ოცნება“ მიშელის შეთანხმებით აღებულ ვალდებულებებს ცალმხრივ რეჟიმში ახორციელებდა. შესაბამისად, ვინც უნდა დაუბრუნდეს, შეაფასოს თავისი წინა მოქმედებები, უპასუხისმგებლო გადაწყვეტილებები, ეს არის რადიკალური ოპოზიცია, რომელსაც დავამარცხებთ არჩევნებში. არჩევნებიდან მაქსიმუმ ერთი თვის განმავლობაში ისინი ეცდებიან ძირი გამოუთხარონ ჩვენი ქვეყნის სტაბილურობას, დემოკრატიას, თუმცა, ერთი თვის შემდეგ გარწმუნებთ, ქვეყანა დაუბრუნდება და გადავა მშვიდი განვითარების ეტაპზე. ჩვენ წინ გვაქვს წლები, როცა მთელს ჩვენს ყურადღებას და ენერგიას მივმართავთ იმ საჭიროებებისკენ, რაც ხალხს აწუხებს. რა თქმა უნდა, რადიკალური დღის წესრიგი ამ ქვეყანაში ვერასდროს გაიმარჯვებს და სწორედ „ქართული ოცნება“ გახლავთ ის პოლიტიკური პარტია, ვინც სტაბილურ, მშვიდ და განვითარებად მომავალზე აიღებს პასუხისმგებლობას,“ - განაცხადა თალაკვაძემ.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს