არჩილ თალაკვაძის განცხადებით, რადიკალური ოპოზიციის დღის წესრიგი, განცხადებები და მიზნები აცდენილია საქართველოს ეროვნულ ინტერესებს

პარლამენტის ვიცე-სპიკერის, არჩილ თალაკვაძის განცხადებით, რადიკალური ოპოზიციის დღის წესრიგი, მათი განცხადებები და მიზნები აცდენილია საქართველოს ეროვნულ ინტერესებს, ჩვენი ქვეყნის დემოკრატიულ მომავალს, ჩვენი პარტნიორების დამოკიდებულებასა და ხედვას საქართველოს მიმართ. როგორც თალაკვაძემ აღნიშნა, ის, რომ ოპოზიცია არ იღებს მონაწილეობას ცესკოს ახალი თავმჯდომარის შერჩევასა და დამტკიცებაში მხოლოდ ორი მიზეზით აიხსნება.

"პირველი ეს გახლავთ არჩევნების წინასწარი დისკრედიტაცია, რაც განპირობებულია დამარცხების შიშით. შემდგომში ისინი იქმნიან თავის მართლებისთვის საფუძველს - აი, ამიტომ ვერ გავიმარჯვეთ. მეორე მიზეზი გახლავთ ის, რომ საპარლამენტო ოპოზიციაში განსაკუთრებით რადიკალურ ბანაკს არ აღმოაჩნდა პასუხისმგებლობა, რომ შეესრულებინა საკუთარი ვალდებულება და აეღო ის პასუხისმგებლობა, რაც ოპოზაციას ნებისმიერ დემოკრატიაში ეკუთვნის. შესაბამისად, ეს ორი მიზეზია, რის გამოც ისინი დღეს სხდომაში არ მონაწილეობენ. ხაზგასმით მინდა გავიმეორო, რომ ხელისუფლება, ჩვენი საზოგადოება უზრუნველყოფს არჩევნების გამჭვირვალე, კონკურენტულ, თავისუფალ გარემოში ჩატარებას და ამ არჩევნების სტანდარტი, მისი თავისუფლების ხარისხი დღეს როგორც არასდროს არის განპირობებული მაღალი რეგულაციებით, რომელიც ჩვენ მივიღეთ, რა თქმა უნდა, საარჩევნო ადმინისტრაციის ეფექტიან მუშაობასთან ერთად. თუმცა, რომელიმე ერთი ადამიანის, თუნდაც, ხელმძღვანელი პირის პიროვნული ფაქტორი და გავლენა საარჩევნო პროცესის ჩატარებაზე არ იქნება ისეთი კრიტიკული და არ იქნება ისეთი ძლიერი, რაც საფუძველს მისცემს ოპოზიციას თქვას, რომ ამ ადამიანის, ან სხვა ადამიანის ბრალი იყო ესა თუ ის საკითხი, რაზე ბრალდებასაც ისინი წინასწარ აყენებენ. ამ რადიკალური ოპოზიციის დღის წესრიგი, მათი განცხადებები, მათი მიზნები არის აცდენილი საქართველოს ეროვნულ ინტერესებს, ჩვენი ქვეყნის დემოკრატიულ მომავალს და ჩვენი პარტნიორების დამოკიდებულებასა და ხედვას საქართველოს მიმართ",- განაცხადა თალაკვაძემ.

ცნობისთვის, პარლამენტი დღევანდელ რიგგარეშე სხდომაზე ცესკოს თავმჯდომარესა და ორ პროფესიონალ წევრს აირჩევს. კენჭისყრა ამჯერად სრული შემადგენლობის უმრავლესობის კვორუმით ჩატარდება, რაც იმას ნიშნავს, რომ ცესკოში არსებულ ვაკანტურ თანამდებობებს სულ მცირე 76 ხმით არჩეული კანდიდატები დაიკავებენ. ცესკოს თავმჯდომარის პოსტზე მმართველი გუნდი მხარს გიორგი კალანდარიშვილს უჭერს, ხოლო ცესკოს წევრის პოსტზე ასარჩევად გია ცაცაშვილსა და მაია ზარიძეს აძლევენ ხმას. საარჩევნო კანონმდებლობაში განხორციელებული ცვლილებების გათვალისწინებით, კენჭისყრა ორჯერ 2/3-იანი კვორუმით და ერთხელ 3/5-იანი კვორუმით ჩატარდა, თუმცა მმართველ გუნდსა და ოპოზიციას შორის საერთო კანდიდატებზე ვერშეთანხმების გამო, მაღალი კვორუმით არჩევა ვერ მოხდა. სრული შემადგენლობის უმრავლესობით არჩეული ცესკოს თავმჯდომარე და წევრები თანამდებობას 6 თვის ვადით დაიკავებენ.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს