ცესკო - მოვუწოდებთ მედიას, საერთაშორისო და ადგილობრივ სადამკვირვებლო ორგანიზაციებს, დროულად გაიარონ რეგისტრაცია-აკრედიტაცია

გვინდა არჩევნებში ჩართულ მხარეებს, მედიას, საერთაშორისო ორგანიზაციებს და ადგილობრივ და სადამკვირვებლო ორგანიზაციებს მოვუწოდოთ, დროულად გაიარონ შესაბამის საარჩევნო ადმინისტრაციაში რეგისტრაცია - აკრედიტაცია, - ამის შესახებ ცენტრალური საარჩევნო კომისიის პრესპიკერმა, ნათია იოსელიანმა ბრიფინგზე განაცხადა.

მისი თქმით, დეტალური ინფორმაციისთვის დაინტერესებულ პირს შეუძლია დარეკოს ცესკო-ს საინფორმაციო ცენტრში.

„მოგეხსენებათ, 2 ოქტომბერს მუნიციპალიტეტის წარმომადგენლობითი ორგანოს არჩევნები იმართება. საარჩევნო ადმინისტრაცია ოფიციალურად გადავიდა საარჩევნო რეჟიმზე, რაც გულისხმობს იმას, რომ კანონმდებლობით დადგენილი უამრავი პროცედურა და ღონისძიება არის განსახორციელებელი ცენტრალურ საარჩევნო კომისიაში. ამ პროცესის გამჭვირვალედ წარმართვა, როგორც ყოველთვის, ახლაც არის ჩვენთვის პრიორიტეტი და ამიტომ, ჩვენ გვინდა არჩევნებში ჩართულ მხარეებს, მედიას, საერთაშორისო ორგანიზაციებს და ადგილობრივ და სადამკვირვებლო ორგანიზაციებს მოვუწოდოთ, დროულად გაიარონ შესაბამის საარჩევნო ადმინისტრაციაში რეგისტრაცია - აკრედიტაცია.

გუშინ ცენტრალურ საარჩევნო კომისიაში შედგა სხდომა, სადაც დამტკიცდა ღონისძიებათა კალენდარი. ეს გახლავთ ერთგვარი სახელმძღვანელო დოკუმენტი, ძალიან მნიშვნელოვანია როგორც ცენტრალური საარჩევნო კომისიისთვის, ასევე ყველა ჩართული მხარისთვის. ამ ღონისძიებათა გრაფიკში მოცემულია არჩევნებთან დაკავშირებით საქმიანობისა და ვადების შესახებ ინფორმაცია.

როგორც ცენტრალურ საარჩევნო კომისიაში, ასევე საარჩევნო კომისიებში იგეგმება სხდომების გამართვა. იმისათვის, რომ ჩართულმა მხარეებმა შეძლონ აღნიშნულ სხდომებზე დასწრება, გაშუქება, ძალიან მნიშვნელოვანია მათ გაიარონ რეგისტრაცია - აკრედიტაცია და ამ საკითხთან დაკავშირებით თქვენ შეგიძლიათ ტელეფონის ნომერზე დარეკოთ, რომელიც გახლავთ 2 51 00 51, - მიმართოთ ცენტრალურ საარჩევნო კომისიის სატელეფონო საინფორმაციო ცენტრს და მიიღოთ დეტალური ინფორმაცია.

რაც შეეხება საერთაშორისო ორგანიზაციების რეგისტრაციის საკითხს, ბოლო ვადა გახლდათ 28 სექტემბერი.

რეგისტრაციაში გატარების მიზნით დამკვირვებელმა ორგანიზაციამ განცხადებით უნდა მიმართოს ცენტრალურ საარჩევნო კომისიას. რაც შეეხება ადგილობრივ სადამკვირვებლო ორგანიზაციას, ის ორგანიზაცია, რომელიც აპირებს ერთ კონკრეტულ ოლქში დაკვირვებას, შეუძლია გაიაროს რეგისტრაცია კონკრეტულად საუბნო საარჩევნო კომისიებში, თუ ისინი სხვადასხვა ოლქში აპირებენ დაკვირვებას, ამ შემთხვევაში შეუძლიათ სათითაოდ მიმართონ საუბნო საარჩევნო კომისიას ან ცენტრალურ საარჩევნო კომისიას“, - განაცხადა ნათია იოსელიანმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს