ჩეხეთში ორი მატარებლის შეჯახების შედეგად გარდაცვლილთა რიცხვი სამამდე, დაშავებულთა რაოდენობა კი 50-მდე გაიზარდა, მათ შორის 8 ადამიანის მდგომარეობა სერიოზულია. მათი ნაწილი საავადმყოფოებში ვერტმფრენებით გადაიყვანეს.

გარდაცვლილთაგან ორი მატარებლების მძღოლები არიან, ერთი კი - მგზავრი.

სარკინიგზო კატასტროფა დომაჟლიცესა და ბლიზეჟოვის სადგურებს შორის, მილავცესთან მოხდა.

კონკრეტულად კი, მედიის ცნობით, საერთაშორისო ჩქაროსნული მატარებლის მემანქანე „სტოპ“ სიგნალზე არ გაჩერდა და ადგილობრივ სამგზავრო მატარებელს შეეჯახა. საერთაშორისო ჩქაროსნული ხაზი ჩეხეთის ქალაქ პლზენს გერმანიის ქალაქ მიუნხენთან აკავშირებს.