ბათუმის შავი ზღვის ხელოვნების ფესტივალი წელს აღარ ჩატარდება

2021 წლის სექტემბერში დაგეგმილი ბათუმის შავი ზღვის ხელოვნების ფესტივალი არ ჩატარდება, - ამის შესახებ ინფორმაციას ბათუმის შავი ზღვის მუსიკალური და ხელოვნების ფესტივალი ავრცელებს.

„ინტერპრესიუსის“ მათ განცხადებას უცვლელად გთავაზობთ:

„პანდემიისგან გამოწვეული სირთულეების გამო იუნესკოს ადმინისტრაციასთან კომუნიკაციის შედეგად მივიღეთ გადაწყვეტილება, რომ 2021 წლის სექტემბერში დაგეგმილი ბათუმის შავი ზღვის ხელოვნების ფესტივალი არ ჩატარდება.

აქვე გაცნობებთ, რომ რიგით მეცხრე ფესტივალი გაიმართება 2022 წლის სექტემბერში იუნესკოს მაღალი პატრონაჟით.

ბათუმის კლასიკური მუსიკის საერთაშორისო ფესტივალი დააარსა გამოჩენილმა ქართველმა პიანისტმა, იუნესკოს მშვიდობის არტისტმა, საფრანგეთის საპატიო ლეგიონის ორდენის მფლობელმა, დღეს უკვე პარტია „ქართული ოცნების“ დეპუტატმა, ელისო ბოლქვაძემ. ფესტივალმა ძალიან მალე მოიპოვა საერთაშორისო აღიარება და დღეს წარმოადგენს მნიშვნელოვან კულტურულ-საგანმანათლებლო პლატფორმას. აჭარის რეგიონის არაჩვეულებრივ ბუნებას ყოველწლიურად ეცნობიან მსოფლიოში აღიარებული მოწვეული მუსიკოსები, რომლებსაც დიდხანს მიჰყვებათ საქართველოში განცდილი ემოციები. ფესტივალის მთავარი მიზანია ხელი შეუწყოს ქვეყნის პოპულარიზაციასა და კულტურული ინტეგრაციის პროცესებს, რაც ითვალისწინებს როგორც გალა-კონცერტებს, ასევე მასტერკლასებსა და სემინარებს.

აღნიშნული ფესტივალი მჭიდროდ თანამშრომლობს საქართველოში აკრედიტირებულ საერთაშორისო მისიებთან და ახორციელებს უნიკალურ არტ-ბანაკის პროგრამას განათლების სამინისტროსთან ერთად. ფესტივალში ინტეგრირებული არტ-ბანაკი მოიცავს ახალგაზრდების ცნობიერების ამაღლებისთვის შემუშავებულ სპეციალურ სახელოვნებო პროგრამას. საქართველოს სხვადასხვა კუთხიდან კრეატიული პროგრამის მონაწილეებს საშუალება ეძლევათ გაეცნონ და ეზიარონ მაღალ ხელოვნებას. ფესტივალი მომავალ წელსაც მრავალფეროვანი პროგრამით დაუბრუნდება მსმენელს და კლასიკური მუსიკის ჰანგები მოეფინება ულამაზეს ქალაქ ბათუმს!“ - ნათქვამია ინფორმაციაში.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს