სომხეთის შეიარაღებული ძალების ქვედანაყოფებმა ბასარკეჩარის [ვარდენისი] რაიონის პოზიციებიდან აზერბაიჯანის არმიის პოზიციებს ქალბაჯარის რაიონის ისთისუს დასახლებისა და გადაბეის რაიონის გალაკენდის დასახლების მიმართულებით ცეცხლი გაუხსნეს, - აზერბაიჯანული მედიის ინფორმაციით, ამის შესახებ ქვეყნის თავდაცვის სამინისტროს მიერ გავრცელებულ განცხადებაშია აღნიშნული.
მათივე ინფორმაციით, სროლის შედეგად აზერბაიჯანის არმიაში არავინ დაშავებულა ან დაღუპულა.
„ოპერატიულ ვითარებას აზერბაიჯანის არმიის ქვედანაყოფები აკონტროლებენ“, - აცხადებენ აზერბაიჯანის თავდაცვის უწყებაში.