სომხეთი მზად არის უმაღლეს დონეზე განაახლოს მოლაპარაკებების პროცესი მთიანი ყარაბაღის საკითხის დარეგულირების შესახებ. ამის შესახებ სომხეთის პრემიერ-მინისტრმა ნიკოლ ფაშინიანმა მთავრობის სხდომაზე ახალი სამთავრობო პროგრამის წარდგენისას განაცხადა.

ეუთოს „მინსკის ჯგუფმა“ არაერთხელ განაცხადა მოლაპარაკებათა პროცესის სრულად აღდგენის შესახებ მთიანი ყარაბაღის თემაზე. ჩვენ მივესალმებით აღნიშნულ განცხადებებს და პოზიციას. მზად ვართ უმაღლეს დონეზე მონაწილეობა მივიღოთ მოლაპარაკებებში“, - განაცხადა სომხეთის პრემიერ-მინისტრმა.