The Miami Ad School Tbilisi-ში 2021 წლის ოქტომბრის ნაკადის მიღება დაიწყო

Miami Ad School Tbilisi-ში, 2021 წლის ოქტომბრის ნაკადის მიღება დაიწყო. ამის შესახებ ინფორმაციას „თიბისი” ავრცელებს.

მათივე ინფორმაციით, მსურველებს, რეგისტრაციის გავლა უკვე შეუძლიათ, აპლიკაციები 2021 წლის 10 სექტემბრამდე მიიღება.

„სასწავლო პროგრამაზე, განახლებული ინფორმაციის მიღებას მსურველები Miami Ad School Tbilisi-ს ვებგვერდზე შეძლებენ.

უკვე მეორე წელია, რაც Miami Ad School-ის თბილისის სკოლა გაიხსნა, რომლის მეგობარი და მხარდამჭერია “თიბისი”.

Miami Ad School სარეკლამო ინდუსტრიისთვის მსოფლიოში ყველაზე გავლენიანი სკოლაა. 2020 წლიდან Miami Ad School Tbilisi საერთაშორისო ქსელის სრულფასოვანი წევრია და სტუდენტები ისარგებლებენ იმ გლობალური ეკო-სისტემით, რომელსაც ეს სკოლა მომხმარებლებს სთავაზობს. Miami Ad School Tbilisi და თავისუფალი უნივერსიტეტი, თიბისის მხარდაჭერით, სტუდენტებს ორწლიან საერთაშორისო სასერტიფიკატო პორტფოლიო-პროგრამას არტ-დაირექშენისა და ქოფირაითინგის მიმართულებით სთავაზობენ.

ორწლიანი საერთაშორისო სასერტიფიკატო პროგრამის ფარგლებში, სტუდენტები 1 წელს გაატარებენ კახა ბენდუქიძის კამპუსში და მომდევნო 1 წელი კი პრაქტიკებზე გაემგზავრებიან Maiami Ad School-ის ქსელში გაწევრიანებულ მსოფლიოს წამყვან სარეკლამო სააგენტოებში, როგორებიცაა: 360I, GREY, JWT, OGILVY, PEOPLE IDEAS & CULTURE, R/GA, SAATCHI, TBWA, FACEBOOK და სხვა. ბოლო კვარტალი კი სტუდენტები ბერილინის სკოლის კამპუსში იმუშავებენ სადიპლომო ნამუშევარსა და პორთფოლიოს შეკვრაზე.

Miami Ad School-ის პროგრამა შემუშავებულია Learning by Doing-ის პრინციპით. საგნები განსაზღვრულია იმ დისციპლინების მიხედვით, რასთანაც მომავალში არტ-დირექტორებსა და ქოფირაითერებს მოუწევთ შეხება. ესენია: კონცეფციის შემუშავება, დიზაინი, ფოტოგრაფია, ქოფი, ტიპოგრაფია და კომპიუტერული პროგრამები. ასევე, სტუდენტებს საშუალება ექნებათ ისეთი ვიწრო პროფილური საგნებიც გაიარონ, როგორიცაა: პრეზენტირების უნარები, ვიდეოგრაფია, Long copy და სხვა.

დაინტერესებულ პირებს აპლიკაციის ფორმის შევსება 2021 წლის 10 სექტემბრამდე შეეძლებათ”, - ნათქვამია ინფორმაციაში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს