„თალიბანი“ მოქალაქეებს ქაბულის აეროპორტის დატოვებისკენ მოუწოდებს

კვირიდან დღემდე ქაბულის აეროპორტსა და მის მიმდებარე ტერიტორიაზე 12 ადამიანი დაიღუპა, - ინფორმაციას Sky News-ი „თალიბანისა“ და ნატო -ს ოფიციალურ წარმომადგენლებზე დაყრდნობით ავრცელებს.

გამოცემის ცნობით, „თალიბანი“ მოქალაქეებს აფრთხილებს და სახლებში დაბრუნებისკენ მოუწოდებს.

„არ გვსურს, ვინმეს აეროპორტში ზიანი მივაყენოთ“, - განაცხადა „თალიბანის“ წარმომადგენელმა.

მას შემდეგ, რაც კვირას „თალიბანმა“ ავღანეთის დედაქალაქი ქაბული აიღო, ქვეყნის დატოვების მიზნით ქაბულის საერთაშორისო აეროპორტს ათასობით ადამიანი მიაწყდა. მედიის ინფორმაციით, „თალიბანი“ ქაბულის აეროპორტისკენ მიმავალ მოქალაქეებს დაბრკოლებებს უქმნის. ქვეყნები ავღანეთიდან საკუთარი მოქალაქეებისა და ავღანელების ევაკუაციას განაგრძობენ. მედიის ინფორმაციით, ამ დრომდე შეერთებულმა შტატებმა 5 200 ადამიანის გაყვანა მოახერხა, 1 200 მოქალაქე გაიყვანა გაერთიანებულმა სამეფომ, 500 - გერმანიამ, 209 - საფრანგეთმა, 500 - ესპანეთმა, 522- თურქეთმა. მოქალაქეების ევაკუაცია განახორციელა ასევე დანიამ, ნიდერლანდებმა, ჩეხეთმა იაპონიამ, ინდოეთმა და სხვ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს