20 აგვისტოს ავღანეთში ბოლო პერიოდში მიმდინარე მოვლენებთან დაკავშირებით, საგარეო საქმეთა მინისტრების დონეზე ჩრდილოატლანტიკური საბჭოს საგანგებო სხდომა გაიმართება. ამის შესახებ ნატო-ს პრესსამსახური იუწყება.
სხდომა ვირტუალური ფორმატით გაიმართება. ნატოს წევრი ქვეყნების საგარეო საქმეთა მინისტრები განიხილავენ ავღანეთში მიმდინარე მოვლენებს.
სხდომას ჩრდილოატლანტიკური ალიანსის გენერალური მდივანი იენს სტოლტენბერგი უხელმძღვანელებს.
უცხოური მედიის ინფორმაციით, იტალია, ასევე გამოდის ინიციატივით, ავღანეთის საკითხზე „დიდი ოცეულის“ სამიტიც გაიმართოს.
მომდევნო კვირას კი, დაგეგმილია შვიდეულის ჯგუფის ლიდერთა ონლაინ-შეხვედრა, რომელზეც განიხილავენ ავღანეთში არსებულ სიტუაციასთან მიმართებით მიდგომასა და სტრატეგიას.