ეჭვგარეშეა, რომ ავღანეთს ახალი კონსტიტუცია ექნება,- ამის შესახებ „თალიბანის“ პოლიტბიუროს ოფიციალურმა წარმომადგენელმა მუჰამედ ნაიმმა „რია ნოვოსტისთან“ ინტერვიუში განაცხადა.
მისივე თქმით, ამჟამად ქვეყანაში საგანგებო მდგომარეობაა.
"ახლა ჩვენ გვჭირდება ხალხის მოთხოვნილებების დაკმაყოფილება, ვაკუუმის გადალახვა და შემდეგ სხვა ნაბიჯების გადადგმა, მაგრამ ზოგადად, საჭიროა ახალი კონსტიტუცია", - აღნიშნა ნაიმმა.
მან ხაზი გაუსვა, რომ ქვეყანაში მმართველობის ფორმაზე საუბარი ჯერ კიდევ ნაადრევია.
"ჯერ კიდევ გარდამავალ პერიოდში ვიმყოფებით. რაც შეეხება სამინისტროებსა და ქვეყნის მთავრობას, სიტუაცია გაირკვევა რამდენიმე დღეში. ქვეყანაში მმართველობის ფორმაზე საუბარი ნაადრევია“, - აღნიშნა ნაიმმა.
მისი თქმით, „თალიბებს“ კონტაქტი აქვთ ავღანეთის საელჩოებთან მთელი მსოფლიოს მასშტაბით.