აშშ-ის პრეზიდენტი ჯო ბაიდენი აცხადებს, რომ ავღანეთიდან მოქალაქეების მასობრივი ევაკუაცია რისკის შემცველია.
“ეს საევაკუაციო მისია სახიფათოა. ის საფრთხეს უქმნის ჩვენს შეიარაღებულ ძალებს და რთულ ვითარებაში ხორციელდება. არ შემიძლია დაგპირდეთ, რა იქნება საბოლოო შედეგი, ან ის, რომ დანაკარგის რისკი არ იქნება. მაგრამ როგორც მთავარსარდალი, შემიძლია დაგარწმუნოთ, რომ ყველა საჭირო რესურსის მობილიზებას განვახორციელებ," - განაცხადა ბაიდენმა.
მისი თქმით, ავღანეთიდან გაიყვანენ ყველა ამერიკელს, რომელსაც სამშობლოში დაბრუნება სურს.
„ნებისმიერ ამერიკელს, რომელსაც შინ დაბრუნება გსურთ, დაგაბრუნებთ“,- აღნიშნა ბაიდენმა.
მისივე თქმით, აშშ-ის სამხედროები იგივე ვალდებულებას გამოიჩენენ 50-65 000 ავღანელი მოკავშირის მიმართაც, რომელთაც ავღანეთის დატოვების იმედი აქვთ, თუმცა დასძინა, რომ პრიორიტეტი ამერიკელი მოქალაქეების ევაკუაცია იქნება.