ჯო ბაიდენი - ავღანეთიდან ევაკუაციის პროცესი რთული და მტკივნეული იქნებოდა, იმის მიუხედავად, როდის დავიწყებდით

შეერთებულ შტატებს ავღანეთიდან აშშ-ის მოქალაქეებისა და ავღანელების გამოყვანის ურყევი ვალდებულება აქვს, - ამის შესახებ აშშ-ის პრეზიდენტმა ჯო ბაიდენმა განაცხადა.

მისივე თქმით, ავღანეთში უსაფრთხოებასთან დაკავშირებული მდგომარეობა სწრაფად იცვლება და მის ადმინისტრაციას ე.წ. „ისლამური სახელმწიფოს“ ბოევიკებისგან მომდინარე საფრთხესთან დაკავშირებით ილუზია არ აქვს.

„ნება მომეცით, გარკვევით განვაცხადო, რომ ქაბულიდან ათასობით ადამიანის ევაკუაცია იქნება რთული და მტკივნეული პროცესი და ეს ასე იქნებოდა იმის მიუხედავად, როდის დაიწყებოდა ან როდის დავიწყებდით ჩვენ მას. არ არსებობს ამდენი ადამიანის ევაკუაცია ტკივილისა და დანაკარგის გარეშე, ან იმ გულისამაჩუყებელი სურათების გარეშე, რასაც ტელევიზიით ხედავთ. ეს უბრალოდ ფაქტია. გული მეწვის იმ ადამიანებზე, რომლებსაც ხედავთ,“- განაცხადა ბაიდენმა თეთრ სახლში გამართულ ბრიფინგზე.

მისივე თქმით, ივლისის შემდეგ აშშ-მა ავღანეთიდან დაახლოებით 33 000 ადამიანი გაიყვანა. ბაიდენმა ასევე აღნიშნა, რომ შეერთებულ შტატებს აქვს ავღანეთში ჩარჩენილი ამერიკელების ქაბულის აეროპორტში გადაყვანის გეგმა.

"ჩვენ ვასრულებთ გეგმას ამ ამერიკელების უსაფრთხო ადგილზე უსაფრთხოდ გადასაყვანად და აეროპორტამდე უსაფრთხოდ და ეფექტურად მისაყვანად. უსაფრთხოების მიზნით, მე არ ვაპირებ დეტალებში საუბარს, მაგრამ დღეს კიდევ ერთხელ ვიტყვი, რაც ადრე ვთქვი: ნებისმიერი ამერიკელი, რომელსაც სურს სახლში დაბრუნება, სახლში დაბრუნდება,“- აღნიშნა ბაიდენმა.

მისივე თქმით, შეერთებული შტატები დაეხმარება ასევე დასავლეთის ავღანელ პარტნიორებსა და დაუცველ ავღანელებს, როგორებიც არიან აქტივისტი ქალები და ჟურნალისტები.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა