შვედეთის პრემიერი - რუსეთის მიერ უკრაინის სუვერენიტეტის და ტერიტორიული მთლიანობის დარღვევა ევროპისა და მსოფლიოს უსაფრთხოებაზეც აისახება

რუსეთის მიერ ყირიმის უკანონო ანექსია ღია შებღალვაა იმ ევროპული უსაფრთხოების სისტემის, რომელიც ჰელსინკის ფინალური აქტით განისაზღვრა, ეს საერთაშორისო სამართლის აღმაშფოთებელ დარღვევას წარმოადგენს, - განაცხადა შვედეთის პრემიერ-მინისტრმა სტეფან ლევენმა ყირიმის პლატფორმის სამიტზე სიტყვით გამოსვლისას.

როგორც ლევენმა აღნიშნა, ძალისმიერ ანექსიასა და ოკუპაციას თანამედროვე მსოფლიოში ადგილი არ უნდა ჰქონდეს.

„რუსეთის მიერ უკრაინის სუვერენიტეტის და ტერიტორიული მთლიანობის დარღვევა მხოლოდ უკრაინას არ ეხება, ეს თავისთავად სერიოზულია, თუმცა ის ევროპისა და მსოფლიოს უსაფრთხოებაზეც აისახება“, - განაცხადა ლევენმა.

პრემიერ-მინისტრმა ლევენმა აგრეთვე დასძინა, რომ შვედეთი გააგრძელებს ძალისხმევას უკრაინის ტერიტორიული მთლიანობისა და სუვერენიტეტის აღსადგენად.

„მსგავსი სახის აგრესიის სხვაგან გამეორების თავიდან აცილება მხოლოდ პრინციპული და კოორდინირებული პასუხითაა შესაძლებელი“, - აღნიშნა ლევენმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს