ჯო ბაიდენი ავღანეთიდან ევაკუაციის პროცესზე - რაც მალე დავასრულებთ, მით უკეთესი - ეს დამოკიდებულია "თალიბანის" მხრიდან თანამშრომლობის გაგრძელებაზე

აშშ-ის პრეზიდენტი ჯო ბაიდენი აცხადებს, რომ შეერთებული შტატები ავღანეთიდან ევაკუაციის დასრულებას 31 აგვისტომდე გეგმავს, თუმცა ამ მიზნის მიღწევა დამოკიდებულია "თალიბანის" მხრიდან თანამშრომლობის გაგრძელებაზე.

“ეს დამოკიდებულია თალიბანის მხრიდან თანამშრომლობის გაგრძელებაზე, გასამგზავრებელი ადამიანების აეროპორტამდე მისვლის საშუალების მიცემაზე და იმაზე, რომ ჩვენს ოპერაციას დაბრკოლებები არ შეუქმნან. რაც მალე დავასრულებთ, მით უკეთესი. ოპერაციის ყოველი დღე დამატებით რისკს უქმნის ჩვენს ჯარისკაცებს,“- აღნიშნა ბაიდენმა თეთრ სახლში გამართულ ბრიფინგზე.

მისი თქმით, ამჟამად ყველაზე დიდი საფრთხე ე.წ. „ისლამური სახელმწიფოს“ ავღანური განშტოებისგან მოდის და რაც უფრო დიდხანს დარჩება აშშ ავღანეთში, მით უფრო იზრდება დაჯგუფების მიერ თავდასხმის განხორციელების რისკი.

ამასთან, მისი თქმით, პენტაგონისა და სახელმწიფო დეპარტამენტისგან მოითხოვა სათადარიგო გეგმის შედგენა, საჭიროების შემთხვევაში გამოყენებისთვის.

ბაიდენმა ასევე ხაზი გაუსვა, რომ 14 აგვისტოს შემდეგ აშშ-ის ძალებმა ავღანეთიდან 70 700 ადამიანის ევაკუაციას შეუწყო ხელი.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს