აშშ და გაერთიანებული სამეფო, უსაფრთხოებასთან დაკავშირებული რისკის გამო, მოქალაქეებს ქაბულის აეროპორტის დატოვებისკენ მოუწოდებენ

შეერთებული შტატები და გაერთიანებული სამეფო საკუთარ მოქალაქეებს აფრთხილებენ, უსაფრთხოებასთან დაკავშირებით არსებული რისკის გამო ქაბულის აეროპორტი დატოვონ და იქ მისვლისგან თავი შეიკავონ, - ინფორმაციას BBC-ი ავრცელებს.

გამოცემის ცნობით, შეერთებული შტატების სახელწიფო დეპარტამენტმა ქაბულის აეროპორტსა და მის შესასვლელთან მყოფ მოქალაქეებს მოუწოდა, „დაუყოვნებლივ დატოვონ“ ტერიტორია.

მსგავსი რეკომენდაცია გასცა გაერთიანებულმა სამეფომაც და მოქალაქეებს უსაფრთხო ადგილზე გადასვლისკენ მოუწოდა.

”თუ აეროპორტის მიმდებარე ტერიტორიაზე იმყოფებით, გადადით უსაფრთხო ადგილას და დაელოდეთ შემდგომ რჩევას”, - ნათქვამია გაერთიანებული სამეფოს საგარეო საქმეთა სამინისტროს განცხადებაში.

აღსანიშნავია, რომ არც შეერთებულ შტატებსა და არც გაერთიანებულ სამეფოს არ დაუკონკრეტებიათ, რა საფრთხე ემუქრება ქაბულის აეროპორტს.

ბოლო მონაცემებით, ავღანეთიდან 82 000-ზე მეტი ადამიანია ევაკუირებული, თუმცა ქაბულის აეროპორტსა და მის მიმდებარე ტერიტორიაზე მყოფი ათასობით მოქალაქე კვლავ გამგზავრების მოლოდინშია.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს