ავსტრალია საკუთარ მოქალაქეებსა და ავსტრალიის ვიზის მქონე ადამიანებს მოუწოდებს, ქაბულის აეროპორტი და მიმდებარე ტერიტორია დატოვონ, - ინფორმაციას Reuters-ი ავრცელებს.
„ქაბულის აეროპორტთან არსებობს ტერორისტული თავდასხმის ძალიან მაღალი საფრთხე,“- განაცხადა ავსტრალიის საგარეო საქმეთა მინისტრმა მარიზ პეინმა.
ბოლო მონაცემებით, ავსტრალიამ ავღანეთიდან 4 000-მდე ადამიანის ევაკუაცია განახორციელა.
შეგახსენებთ, საკუთარი მოქალაქეები გააფრთხილეს და ქაბულის აეროპორტის დატოვებისკენ მოუწოდეს შეერთებულმა შტატებმა და გაერთიანებულმა სამეფომაც.