მკაცრად ვგმობ ქაბულის აეროპორტთან მომხდარ საზარელ ტერაქტს, - ამის შესახებ ნატო-ს გენერალური მდივანი იენს სტოლტენბერგი სოციალურ ქსელ „ტვიტერში“ წერს.

„ჩემი ფიქრები ყველა დაზარალებულთან და მათ ახლობლებთანაა. ჩვენი პრიორიტეტია, რაც შეიძლება მეტი ადამიანის უსაფრთხო ადგილას, რაც შეიძლება სწრაფად ევაკუაცია“, – აცხადებს სტოლტენბერგი.

ქაბულის აეროპორტთან მომხდარი თავდასხმების სერიას ათობით ადამიანი ემსხვერპლა, მათ შორის, 13 ამერიკელი ჯარისკაცი. თავდასხმაზე პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო.