ავღანეთიდან გასული დღის განმავლობაში 12 500-მდე ადამიანის ევაკუირება განხორციელდა, - მედიის ინფორმაციით, შესაბამის მონაცემებს თეთრი სახლი ავრცელებს.

ამასთან, მათივე ცნობით, 14 აგვისტოდან დღემდე ავღანეთიდან 105 000-მდე ადამიანია გაყვანილი.

ცნობისათვის, გუშინ ქაბულის აეროპორტზე მომხდარი თავდასხმის მიუხედავად, რომელსაც 90-მდე ადამიანის სიცოცხლე ემსხვერპლა, დღეიდან აეროპორტში საევაკუაციო რეისები განახლდა.