თავდაცვის მინისტრის მოადგილე კიბერთავდაცვის რეგიონალური ცენტრის დირექტორს შეხვდა

საქართველოს თავდაცვის მინისტრის მოადგილე დავით სუჯაშვილი კიბერთავდაცვის რეგიონალური ცენტრის დირექტორს, პოლკოვნიკ რომუალდას პეტკევიჩიუსს შეხვდა.

თავდაცვის სამინისტროს ინფორმაციით, შეხვედრაზე თანამშრომლობის მიმდინარე საკითხები და სამომავლო გეგმები განიხილეს. საუბარი შეეხო კიბერსივრცეში არსებულ საფრთხეებსა და მათთან ერთობლივი ბრძოლის გზებს. მინისტრის მოადგილემ ლიეტუველ სტუმარს კიბერუსაფრთხოების ბიუროში მიმდინარე რეფორმები და ქვეყნის კიბერშესაძლებლობები გააცნო.

საქართველოს თავდაცვის სამინისტროსა და ლიეტუვას ეროვნული თავდაცვის სამინისტროს შორის კიბერუსაფრთხოების სფეროში მჭიდრო თანამშრომლობის შედეგად, ლიეტუვას მხარემ საქართველოს თავდაცვის სამინისტროს კიბერუსაფრთხოების ბიურო კიბერთავდაცვის რეგიონალური ცენტრის (RCDC) ანალიზის ქვედანაყოფში გასაწევრიანებლად მიიწვია. CTAC (Cyber Threat Analysis Cell) მიზნად ისახავს კიბერუსაფრთხოების შესახებ მჭიდრო თანამშრომლობას, კიბერინციდენტების ანალიზსა და მონაწილე ქვეყნებს შორის ინფორმაციის სისტემატურ გაზიარებას. მხარეებს შორის გასაფორმებელი მემორანდუმის შესაბამისად, კიბერუსაფრთხოების ბიურო ყოველწლიურად უზრუნველყოფს აღნიშნული ცენტრის საქმიანობაში ექსპერტის ჩართულობას.

საქართველოში ოფიციალური ვიზიტით მყოფ რომუალდას პეტკევიჩიუსს ეროვნული უსაფრთხოების საბჭოს წარმომადგენლებმაც უმასპინძლეს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს