მაშველებმა იტალიის კუნძულ ლამპედუზასთან 500-ზე მეტი მიგრანტი გადაარჩინეს
იტალიის სანაპირო დაცვამ კუნძულ ლამპედუზასთან ახლოს სათევზაო ნავზე მყოფი 539 მიგრანტი გადაარჩინა. BBC-ის ინფორმაციით, ერთი დღის განმავლობაში ქვეყანაში ამ რაოდენობის მიგრანტი უკვე რამდენიმე წელია არ მიუღიათ. გამოცემა წერს, რომ მიგრანტებს შორის უმეტესობას ქალები და ბავშვები შეადგენენ. საანპირო დაცვის თქმით, სამაშველო ოპერაციის გარეშე მიგრანტები, შესაძლოა, ზღვაში დაღუპულიყვნენ.
ჩრდილოეთ აფრიკის ქვეყნებიდან მიგრანტები ხმელთაშუა ზღვის გადაკვეთით ევროპის ქვეყნებში თავშესაფრის მიღებას ცდილობენ. კუნძული ლამპედუზა მიგრანტების ერთ-ერთი ძირითადი მარშრუტია.
