პერუში ორი ნავის შეჯახებას 11 ადამიანის სიცოცხლე ემსხვერპლა
პერუს ამაზონის რეგიონში ორი ნავის შეჯახების შედეგად მინიმუმ 11 ადამიანი დაიღუპა, რამდენიმე კი დაშავდა.
მედიის ინფორმაციით, უბედური შემთხვევა მდინარე ჰუალაგაზე მოხდა, სადაც მგზავრებით სავსე ნავი სატვირთო ნავს დაეჯახა.
შემთხვევის მიზეზი, სავარაუდოდ, ძლიერი ნისლი გახდა.
მაშველები და პოლიცია დაკარგულებს ეძებენ. ცნობილია, რომ ნავზე მგზავრებს შორის 20-მდე ბავშვი იმყოფებოდა.
