უკრაინის პრეზიდენტი, ვლადიმირ ზელენსკი და პირველი ლედი, ოლენა ზელენსკა ვაშინგტონში ჩავიდნენ. ამის შესახებ უკრაინის პრეზიდენტის ოფისი იტყობინება.

„ვიზიტის დღის წესრიგი ორი ქვეყნის ლიდერების პირისპირ ფორმატში შეხვედრასა და გაფართოებული დელეგაციების შემადგენლობაში შეხვედრას ითვალისწინებს. უკრაინის პრეზიდენტს ასევე ექნება არაერთი მნიშვნელოვანი შეხვედრა აშშ-ის მაღალჩინოსნებთან“, - ნათქვამია განცხადებაში.

მხარეები რიგ ორმხრივ შეთანხმებას მოაწერენ ხელს.

პრეზიდენტის აპარატი განმარტავს, რომ ვიზიტი, რომელიც რამდენიმე დღის განმავლობაში გაგრძელდება, აშშ-ის აღმოსავლეთ და დასავლეთის სანაპიროებზე რიგ ქალაქებს მოიცავს.

აშშ-ის პრეზიდენტს, ჯო ბაიდენს ზელენსკი ხვალ, 1-ელ სექტემბერს შეხვდება.