რუსეთის, აზერბაიჯანის, ირანისა და ყაზახეთის ხომალდები კასპიის ზღვაში ერთობლივ წვრთნებს ჩაატარებენ, - მედიის ინფორმაციით ამის შესახებ რუსეთის საზღვაო დელეგაციის ხელმძღვანელმა, კასპიის ფლოტის მეთაურის მოადგილემ, სერგეი ეკიმოვმა ჟურნალისტებს განუცხადა.
მისი თქმით, წვრთნები სექტემბრის დასაწყისში კონკურს "ზღვის თასის“ დასრულებისთანავე დაიწყება.
"ზღვის თასის“ დასრულებისთანავე ჩვენ ჩავატარებთ ერთობლივ წვრთნებს, რომელშიც რუსეთის საზღვაო ძალების, ირანის საზღვაო ძალების, ყაზახეთისა და აზერბაიჯანის სამხედრო ხომალდები მიიღებენ მონაწილეობას,” - აღნიშნა იკიმოვმა.
კონკურსი "ზღვის თასი“, რომელსაც წინა წლებში აზერბაიჯანი მასპინძლობდა, წელს პირველად ირანში ტარდება. კონკურსი 6 ეტაპისგან შედგება და მასში აზერბაიჯანის, ყაზახეთის, ირანისა და რუსეთის მცირე სარაკეტო და საარტილერიო ხომალდები მონაწილეობენ.