ირანის არმიამ საკუთარი სარაკეტო სისტემა „მერსად 16“ წარმატებით გამოსცადა, - ინფორმაციას ადგილობრივი მედია ავრცელებს.
მათივე ინფორმაციით, ირანის არმიის საჰაერო თავდაცვის ძალების ოპერატიული მართვის მოადგილემ, ბრიგადის გენერალმა ამირ მუჰამედ ხოშღალბმა განაცხადა, რომ სარაკეტო სისტემა მთლიანად ირანშია შექმნილი, ელექტრონული ომის წინააღმდეგ უახლეს ტექნოლოგიებს იყენებს და ერთდროულად რამდენიმე სამიზნესთან გამკლავება შეუძლია.
მისივე განმარტებით, საჰაერო თავდაცვის ახალი სისტემა მაღალი მობილურობითა და სისწრაფით ხასიათდება და შეუძლია დაუპირისპირდეს მაღალსიჩქარიან სამიზნეებს, რომლებიც დაბალ სიმაღლეზე მოძრაობენ, როგორიცაა, მაგალითად, საკრუიზო რაკეტა.