გაერთიანებული ერების ორგანიზაციის ხელმძღვანელი ანტონიო გუტერეში აცხადებს, რომ ავღანეთს „ჰუმანიტარული კატასტროფა“ ემუქრება და ქვეყნებს დახმარებისა და სოლიდარობისკენ მოუწოდებს.
„ავღანელ ბავშვებს, ქალებსა და მამაკაცებს საერთაშორისო საზოგადოების მხარდაჭერა და სოლიდარობა ახლა ისე სჭირდებათ, როგორც არასდროს, - აღნიშნა გუტერეშმა.
მისი თქმით, ავღანეთის მოსახლეობის თითქმის ნახევარს - 18 მილიონ ადამიანს - გადარჩენისთვის სასწრაფო ჰუმანიტარული დახმარება სჭირდება.
”ყოველმა მესამე ავღანელმა არ იცის, რით იკვებოს. ხუთ წლამდე ასაკის ბავშვების ნახევარზე მეტს მომავალ წელს კვების ძლიერი დეფიციტი ემუქრება,“- აღნიშნა გუტერრეშმა.
მან გაეროს წევრ ქვეყნებს ავღანელების დახმარებისკენ მოუწოდა.
„მოვუწოდებ მათ, უზრუნველყონ დროული, მოქნილი და ყოვლისმომცველი დაფინანსება, ”- აღნიშნა გუტერეშმა.
მისი თქმით, ჰუმანიტარული სამსახურები არ შეცვლიან ვალდებულებას, ავღანეთში დარჩნენ და ავღანელებს დაეხმარონ.
ანტონიო გუტერეშმა ასევე ხაზი გაუსვა, რომ მნიშვნელოვანია, ქაბულის საერთაშორისო აეროპორტი ღია დარჩეს, რათა ხელი შეუწყოს ქვეყნისთვის დახმარების მიწოდებას.