გიორგი გოგუაძე - პარტია „საქართველოსთვის" მხარდამჭერის სახლში პოლიციამ განჩინების და დასაბუთების გარეშე ჩხრეკა ჩაატარა

პარტია „საქართველოსთვის" პოლიტსაბჭოს წევრი გიორგი გოგუაძის განცხადებით, მმართველი პარტია წინასაარჩევნოდ პოლიტიკური მიზნებისთვის იყენებს ძალოვან უწყებებსა და სახელმწიფო ინსტიტუტებს.

„არჩევნების მოახლოებასთან ერთად ყოველდღიურობად იქცა ჩვენი მხარდამჭერებისა და ჩვენი გუნდის წევრების მიმართ მუქარა, ზეწოლა და დაშინება.

ბოლო შემთხვევა მოხდა ხარაგაულში, სადაც პოლიციის დაახლოებით 8 თანამშრომელი შევიდა ჩვენი მხარდამჭერების სახლში, დაიწყო როგორც სახლის, ასევე ეზოს ჩხრეკა. გარდა იმისა, რომ მათ არ წარმოუდგენიათ ახსნა, განმარტება და დასაბუთება, მათ არ ჰქონდათ სასამართლოს განჩინება, მათ არ ჰქონდათ დადგენილება ამ ჩხრეკის გადაუდებლად ჩატარების შესახებ, რასაც ითვალისწინებს საქართველოს სისხლის სამართლის კანონმდებლობა. მათ ასევე არ შეუდგენიათ ოფიციალური ინფორმაცია ჩხრეკის ჩატარების შესახებ. კიდევ უფრო სამწუხაროა ის ფაქტი, რომ მმართველი პარტია იყენებს წინასაარჩევნოდ პოლიტიკური მიზნებისთვის ძალოვან უწყებებსა და სახელმწიფო ინსტიტუტებს", - განაცხადა გიორგი გოგუაძემ.

ის ასევე აღნიშნავს, რომ ყველა მსგავსი ფაქტის შესახებ ინფორმაცია მიეწოდება როგორც საერთაშორისო, ასევე ადგილობრივ არასამთავრობო ორგანიზაციებს.

„ყველა მსგავსი ფაქტის შესახებ ინფორმირებული არიან ჩვენი პარტნიორები, საერთაშორისო ორგანიზაციები და ყველა ჩვენი მხარდამჭერის და გუნდის წევრის უფლებებს ბოლომდე დავიცავთ" - განაცხადა გიორგი გოგუაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს