დონალდ ტრამპი ქაბულში დაღუპული ამერიკელი ჯარისკაცის დედას - მე რომ პრეზიდენტი ვყოფილიყავი, თქვენი შვილი ახლა თქვენთან ერთად იქნებოდა
აშშ-ის ყოფილმა პრეზიდენტი, დონალდ ტრამპი ბოლო პერიოდში ავღანეთში მიმდინარე მოვლენებს ეხმაურება. მან ქაბულის ტერაქტის დროს დაღუპული ამერიკელი ჯარისკაცის დედას უპასუხა და განაცხადა, რომ მისი პრეზიდენტობის პირობებში ჯარისკაცი ახლა ცოცხალი, დედამისის გვერდით იქნებოდა.
„შანა, თქვენ 100%-ით მართალი ბრძანდებით. პრეზიდენტი რომ ვყოფილიყავი, თქვენი შესანიშნავი და ლამაზი შვილი, კარიმი ახლა თქვენთან ერთად იქნებოდა ისევე, როგორც სხვების შვილები, რომლებიც ქაბულის აეროპორტთან სასტიკი თავდასხმის მსხვერპლნი გახდნენ. ჯერ სამოქალაქო პირები და სამხედრო ტექნიკა უნდა გამოეყვანათ, უსაფრთხოების უზრუნველყოფის შემდეგ კი - სამხედროები. მიყვარხართ. მიყვარს კარიმი“, - განაცხადა დონალდ ტრამპმა.
შეგახსენებთ, 30 აგვისტოს ქაბულში დაღუპული საზღვაო ქვეითის, კარიმ მ. ნიკუის დედამ, შანა ჩეპელმა პრეზიდენტ ჯო ბაიდენს ბრალი ამერიკელი სამხედროების დაღუპვაში დასდო.
v-if="article.gallery" v-html="article.gallery"
