დაუდგენელმა შეიარაღებულმა პირებმა ნიგერიის შტატ ზამფარას ერთ-ერთი სკოლიდან 73 მოსწავლე გაიტაცეს, - ამის შესახებ ინფორმაციას მედია საშუალებები ნიგერიის პოლიციაზე დაყრდნობით ავრცელებენ.

მათივე ინფორმაციით, გატაცებული მოსწავლეების უსაფრთხოდ გადასარჩენად პოლიციამ სამძებრო-სამაშველო ჯგუფის მობილიზება განახორციელა.

ზამფარის პოლიციის კომისრმა აიუბა ელკანამ განაცხადა, რომ შტატის დედაქალაქ გუსაუში, მთავრობის განკარგულებით, ყველა დაწყებითი და საშუალო სკოლა დროებით დაიხურა.

ამასთან, კომისრის ინფორმაციით, ბანდიტიზმისა და გატაცების აღსაკვეთად შტატის ნაწილში ე.წ. ღამის კომენდანტის საათი დაწესდა.

ნიგერიის სკოლებზე შეიარაღებული თავდასხმა და მოსწავლეების გატაცება ხშირია, რასაც არაერთი მოსწავლისა თუ მასწავლებლის სიცოცხლე ეწირება.