აშშ და უკრაინა კვლავ ეწინააღმდეგებიან „ჩრდილოეთის ნაკადი-2“-ს, რომელსაც ევროპის ენერგეტიკული უსაფრთხოებისათვის საფრთხედ განიხილავენ, - ამის შესახებ აშშ-უკრაინის სტრატეგიული პარტნიორობის შესახებ ერთობლიბ განცხადებაშია აღნიშნული.

„შეერთებული შტატები აპირებს გააგრძელოს კანონმდებლობითა და ენერგეტიკული დიპლომატიით გათვალისწინებული ზომების გამოყენებას, რათა შეინარჩუნოს უკრაინის სატრანზიტო როლი, უზრუნველყოს ენერგიის მიწოდების უსაფრთხოება და ხელი შეუშალოს კრემლის მიერ ენერგეტიკის, როგორც გეოპოლიტიკურ იარაღად გამოყენებას,“- აღნიშნულია განცხადებაში.

ამასთან, დოკუმენტში ხაზგასმულია, რომ აშშ-ისა და უკრაინის მთავრობები მხარს უჭერენ უკრაინაში სხვადასხვაგვარი წყაროებიდან გაზის მიწოდების ძალისხმევის გაზრდას.