ესპანეთის რამდენიმე ქალაქში ძლიერმა წვიმამ წყალდიდობა გამოიწვია და პრობლემები შექმნა.

მედიის ინფორმაციით, ათასობით ადამიანი ელექტროენერგიის გარეშეა დარჩენილი, საავტომობილო გზებისა და სარკინგზო ხაზების ნაწილი დაკეტილია.

განსაკუთრებით დაზარალდა კატალონიის ჩრდილოეთ-აღმოსავეთ რეგიონში მდებარე სანაპირო ქალაქი ალკანარი, სადაც ქუჩებში მოვარდნილმა ნიაღვარმა ავტომობილები, ავეჯი და ხეები წაიღო. საგანგებო სიტუაციების სამსახურების თანამშრომლებმა ათობით ადამიანის გადარჩენა შეძლეს.

ძლიერი წვიმამ და წყალდიდობამ ასევე დააზარალა კასტილია-ლა მანჩასა და ნავარას რეგიონებიც, შეაფერხა ჩქაროსნული სარკინიგზო კავშირი ესპანეთის დედაქალაქ მადრიდსა და ტოლედოს შორის.

დაშავებულების ან გარდაცვლილების შესახებ ინფორმაცია ჯერჯერობით არ ვრცელდება.

ქვეყნის პრემიერ-მინისტრმა პედრო სანჩესმა განაცხდა, რომ ის სოლიდარობას უცხადებს დაზარალებულ რაიონებში მცხოვრებლებს და მათ მაქსიმალური სიფრთხილის გამოჩენისკენ მოუწოდა.