პოლონეთი დგამს ყველა საჭირო ნაბიჯს იმისათვის, რომ აღკვეთოს ნებისმიერი საფრთხე, რომელიც შეიძლება შეიქმნას რუსული არმიის მიერ ბელარუსში ორგანიზებული სამხედრო წვრთნების დროს, რომელიც 10 სექტემბერს დაიწყება,- Reuters-ის ინფორმაციით, ამის შესახებ პოლონეთის თავდაცვის სამინისტრომ განაცხადა.

”ჩვენ ვიყენებთ ყველა შესაძლებლობას ამ სწავლების მონიტორინგისთვის. ამავდროულად, ჩვენ ვიღებთ ყველა აუცილებელ (პოლიტიკურ და სამხედრო) ზომას შესაძლო საფრთხეების ან პროვოკაციების გასანეიტრალებლად,“- ნათქვამია თავდაცვის სამინისტროს განცხადებაში.

შეგახსენებთ, რუსეთ-ბელარუსის სამხედრო წვრთნები "დასავლეთი -2021" 10-16 სექტემბერს რუსეთისა და ბელარუსის ტერიტორიებზე გაიმართება და მასში ათასობით სამხედრო, ასევე ტანკები, არტილერია და საფრენი აპარატები იქნება ჩართული.