აშშ-ის სახელმწიფო მდივნის მოადგილე პოლიტიკის საკითხებში ვიქტორია ნულანდი საქართველოსა და სხვა ქვეყნებს ავღანეთიდან ევაკუაციის პროცესში აღმოჩენილი მნიშვნელოვანი დახმარებისთვის მადლობას უხდის.
„ჩვენ უაღრესად მადლობელი ვართ იმ ქვეყნების, რომლებმაც მნიშვნელოვანი დახმარება გაუწიეს ჩვენი ევაკუაციის პროცესს, პარტნიორებისა და მოკავშირეების - ბაჰრეინის, დანიის, ფინეთის, საფრანგეთის, გერმანიის, საქართველოს, უნგრეთის, იტალიის, კოსოვოს, ქუვეითის, პაკისტანის, კატარის, ესპანეთის, შვეიცარიის, თურქეთის, უკრაინის, არაბთა გაერთიანებული საამიროების, გაერთიანებული სამეფოსა და სხვების - რომლებმაც ხელი შეუწყვეს ამერიკელების და სხვების უსაფრთხო ადგილზე გადაყვანას,“- განაცხადა ნულანდმა სახელმწიფო დეპარტამენტში გამართულ ბრიფინგზე.
მისი თქმით, აშშ-ის მჭიდრო კოორდინაციას მოკავშირეებსა და პარტნიორებთან გადამწყვეტი მნიშვნელობა აქვს როგორც ევაკუაციის, ასევე განსახლების საკითხებში.
მისი თქმით, ავღანეთიდან 23 000 ადამიანი, მათ შორის აშშ-ის 6 000 მოქალაქე, გაიყვანეს.