ვახტანგ მეგრელიშვილი - პირველი შემთხვევაა, "ქართული ოცნების" მიერ მხარდაჭერილი პრეზიდენტი საკუთარ პარტიას რადიკალურად დაუპირისპირდა

ეს არის პირველი შემთხვევა, როცა მართლა რადიკალურად დაუპირისპირდა "ქართული ოცნების" მიერ მხარდაჭერილი პრეზიდენტი საკუთარ პარტიას, - ამის შესახებ "გირჩის" დეპუტატმა ვახტანგ მეგრელიშვილმა ჟურნალისტებთან მაკროფინანსურ დახმარებაზე პრეზიდენტის განცხადების კომენტირებისას აღნიშნა.

მისი თქმით, პრეზიდენტის კრიტიკა სწორი იყო "ნაციონალურ მოძრაობასთან" მიმართებაშიც. მეგრელიშვილი მიიჩნევს, რომ თუ რაიმემ ჩააგდო შეთანხმება, ეს მოხდა იმის გამო, რომ "ნაციონალური მოძრაობა" არ შეუერთდა და ეს ორი პარტია ყველაფერს, მათ შორის, ხელშეკრულებასაც პოლიტიკური ბრძოლის იარაღად იყენებს.

"ქართული ოცნება" საკუთარი გუნდის ფარგლებში ვერ ახერხებს დაარწმუნოს საკუთარი პოლიტიკური ფიგურები, რომ მისი გადაწყვეტილებები სწორია. ამ ყველაფრიდან ევროკავშირის კომპონენტი პრეზიდენტისთვის იყო მნიშვნელოვანი თუნდაც იმიტომ, რომ თავად მასპინძლობდა შარლ მიშელს და როცა შემდეგში შეხვდება იგრძნობს პასუხისმგებლობას იმ ჩაშლილ პროცესზე“, - განაცხადა მეგრელიშვილმა.

მისივე თქმით, საქართველო რომ ამ დახმარებას ვერ მიიღებდა, ოპოზიციამ რამდენიმე დღით ადრე იცოდა, როცა ევროკავშირის წარმომადგენლობაში შარლ მიშელის წარმომადგენელს შეხვდა.

„ ჩვენ ვიცოდით ამის შესახებ, მე მაშინ კომენტარებიც გავაკეთე, მაგრამ დიდად ყურადღება ჟურნალისტებმა არ მომაქციეთ, რეალურად საქართველოს მთავრობას არ უთქვამს უარი სესხზე, საუბარი იყო იმაზე, რომ ევროკავშირმა ფაქტობრივად წინასწარ გვითხრა, რომ საქართველოს მთავრობას შესრულებული არ აქვს ვალდებულებები და ამის შეუსრულებლობა ნიშნავს ამ ტრანშის გაჩერებას, რომ სხვანაირად არ იყოს გაგებულიო. მთავრობამ შიდა პოლიტიკური ბაზრის ინტერესებიდან გამომდინარე მოიფიქრა მარტივი "გაპრავება", რომ ზრდა ბიუჯეტში დაგეგმილზე მეტი აქვთ და უარი თქვა 300 მილიონ ლარზე,"- განაცხადა მეგრელიშვილმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს