ჯოზეფ ბორელი - ჩვენ ავღანეთის ახალ მთავრობასთან თანამშრომლობა მოგვიწევს, რაც აღიარებას არ ნიშნავს

ავღანეთის მოსახლეობის მხარდაჭერისთვის, ჩვენ მოგვიწევს ავღანეთის ახალ მთავრობასთან თანამშრომლობა, რაც არ ნიშნავს აღიარებას, - ამის შესახებ ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ჟოზეფ ბორელმა საგარეო საქმეთა მინისტრების არაფორმალურ შეხვედრაზე განაცხადა.

„აშკარაა ის, რომ ავღანეთის მომავალი რჩება ჩვენთვის მთავარ საკითხად. ის გავლენას ახდენს ჩვენზე, რეგიონზე, საერთაშორისო სტაბილურობაზე და ასევე, პირდაპირ გავლენას ახდენს ევროპის უსაფრთხოებაზე. ჩვენ მზად ვართ, ავღანელ ხალხს დავეხმაროთ. ავღანეთის მოსახლეობის მხარდაჭერისთვის კი მოგვიწევს ავღანეთის ახალ მთავრობასთან თანამშრომლობა, რაც არ ნიშნავს აღიარებას, ეს არის ოპერატიული ჩართულობა,“- აღნიშნა ბორელმა.

მისივე თქმით, ამ თანამშრომლობის განვითარება დამოკიდებულია ახალი მთავრობის ქცევაზე.

„ჩვენ შევაფასებთ ამ ქცევას და ახალ მთავრობასთან ვითანამშრომლებთ მათ მიერ ვალდებულებების შესრულების შესაბამისად. ეს ვალდებულებებია : ავღანეთი არ იქცეს სხვა ქვეყნებში ტერორიზმის ექსპორტის პუნქტად; მეორე, დაცული იყოს ადამიანის უფლებები, მათ შორის ქალთა უფლებები, კანონის უზენაესობა და მედიის თავისუფლება; მესამე, ინკლუზიური და წარმომადგენლობითი გარდამავალი მთავრობის შექმნის უზრუნველყოფა ავღანეთის პოლიტიკურ ძალებს შორის მოლაპარაკებების გზით; მეოთხე ჰუმანიტარულ დახმარებაზე თავისუფალი წვდომა; ბოლოს უცხო ქვეყნის მოქალაქეებისა და ქვეყნის დატოვების მსურველი რისკის ქვეშ მყოფი ავღანელების გამგზავრებასთან დაკავშირებით აღებული ვალდებულების შესრულება,“- აღნიშნა ჟოზეფ ბორელმა.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს