გვინეის პრეზიდენტის, ალფა კონდეს ბედი გაურკვეველია მას შემდეგ, რაც სახელმწიფო ტელევიზიაში გავრცელდა ვიდეო, სადაც ჩანან ჯარისკაცები, რომლებიც პრეზიდენტის გარშემო დგანან და აცხადებენ, რომ მთავრობა დაშალეს.

ჯარისკაცები ასევე ირწმუნებიან, რომ ქვეყნის ყველა სახმელეთო და საჰაერო საზღვარი ერთი კვირით დაიხურა.

ვიდეოს გავრცელებამდე ქვეყნის დედაქალაქ კონაკრიში, პრეზიდენტის სასახლესთან ინტენსიური სროლები მიმდინარეობდა.

გაეროს გენერალურმა მდივანმა ანტონიო გუტერეშმა და აფრიკულმა კავშირმა სახელმწიფო გადატრიალება დაგმეს და პრეზიდენტ კონდეს დაუყოვნებლივ გათავისუფლება მოითხოვეს.

ამასთან, ქვეყნის თავდაცვის სამინისტროში აცხადებენ, რომ პრეზიდენტის დაცვამ დაგეგმილი სახელმწიფო გადატრიალების მცდელობა აღკვეთა.