ისრაელი ზოგიერთი ქვეყნიდან ჩასული ტურისტების მცირე ჯგუფებს 19 სექტემბრიდან ქვეყანაში შესვლის ნებას დართავს.

მედიასაშუალებები ისრაელის ტურიზმის სამინისტროზე დაყრდნობით იუწყებიან, რომ 5-30- კაციან ჯგუფებს ისრაელის მწვანე, ყვითელი და ნარინჯისფერი ქვეყნების სიებიდან ქვეყანაში შესვლის უფლება იმ შემთხვევაში ექნებათ, თუკი ჯგუფის ყველა წევრი სრულად იქნება ვაქცინირებული. ახალი წესი არ ეხებათ წითელ სიაში შესულ ქვეყნებს.

ამასთან, ისრაელი კვლავ ძალაში ტოვებს ინდივიდუალური ტურისტების მიღებაზე დაწესებულ აკრძალვას.

შეგახსენებთ, მიმდინარე წლის მაისში, კორონავირუსის შემთხვევების შემცირების ფონზე ისრაელმა ტურისტების მცირე ჯგუფების ქვეყანაში შესვლის ნებართვა გასცა, თუმცა აგვისტოში, „დელტა“ ვარიანტის გავრცელების შემდეგ, კვლავ აკრძალა.